يلا ننصر نبينا

وعملنا الواجب

واخيرا عملت الواجب
اولا :مبروك لكل اللى اتخرجوا السنة دة وعقبال اللى لسة مخلصش
ثانيا : انا اسفة على الغياب ده كلة لانى كنت مشغولة شوية
ثانيا : انا تعمدت انى اكتب فى اليوم دة وبالذات الساعة دى
طبعا حتسالونى ليه الوقت ده؟؟!
ج - لان زى الوقت دة من سنتين فاتوا الساعة الرابعة مساء اعلنت جامعة الاسكندرية نبا تخرجى من الحياة العلمية الى الحياة العملية
ويرتها ما اعلنت النبا ده
ودلوقت الواجب اللى عليا كالتالى

السؤال الاول : أذكر اسم من طلب منك حل هذا الواجب؟
طلبتة منى رودى الشقية صاحبة مدونة الفراشة الصغيرة

السؤال الثانى : أذكر القوانين المتعلقة بهذا الواجب؟
اعتقد انه عايز احب المقولات ليا وهما اتنين
"يكفى شرف المحاولة"
" ان لم تعمل ما تحب فحب ما تعمل"

السؤال الثالث : تحدث عن ستة أسرار قد لا يكتشفها من يقابلك للمرة الأولى؟

  1. اول حاجة ميعرفهاش اللى يقابلنى اول مرة ان ليا اسم مع حقيقى واسم مستعار وطبعا احب احتفظ بيه لنفسى بس بحس انه غريب عليا من الناس اتعودت منهم باسمى الحقيقى.
  2. كتير بيقولولى انى طيبة اوى .... بس ساعة ما حد يغلط فى حقى الطيبة تتقلب لحاجات تانية.
  3. مبنساش حد ساعدنى ولا عمل فيا معروف ورومانسية جدا ومشية فى حياتى بالاحساس زى ما بيقولوا "قلبى دليلى"
  4. بعيش على زكريات عدت وخلصت وبفتكرها باليوم والساعة والدقيقة.
  5. شكلى بيوحى انى عقلة اوى لدرجة ان صديقاتى ايام الثانوى والكلية كانوا لازم يخدوا بنصيحتى لكنى غندى عيب يارب اتخلص منه انى بنصح الناس كتير لكنى لما انصح نفسى معرفس اطبقها عليا.
  6. بعد ما خلصت الكلية كل الاحلام اتغيرت ,i غير فى شخصيتى بنسبة90% وخلانى يعنى خلانى جد اكتر من الاول.
  7. بحب المغامرات بس دلوقت بخاف منها.
  8. بقيت احب العزلة شوية لان ناس كتير بتتعامل بوشين وانا مبحبش كدة.

طبعا حتسالونى كتبت 8 حاجات ليه مع ان الواجب طالب 6 بس

ده لانه انا بحب رقم 8 لانى من مواليد شهر 8

السؤال الرابع: حول هذا السؤال إلى ستة مدونين وأذكر أسماءهم مع روابط مدوناتهم فى موضوعك ؟

انا ححول الواجب ده لاول ست تعليقات.

كل سنة واسكندرية طيبة

العيد القومي للإسكندرية


فى موسم الصيف بيكتر المصيفين فى اسكندرية

وطبعا كتير حيكون فيها فى عيدها القومى ال 56

يوافق يوم 26 يوليو من كل عام


وهو اليوم الذي ارتبط بمناسبة خروج الملك فاروق من مصر عام 1952


( خرج الملك من الإسكندرية من ميناء رأس التين مستقلا اليخت الملكي المحروسة ومتجها إلى إيطاليا في يوم 26 يوليو 1952م )

كل صيف وانتم طيبيين

وديما حلوة يا اسكندرية

تاج لابد منه


صعب اوى ان حد يتكلم عن نفسه

بس انا دلوقت ححاول اكتشف نفسى

واغوص فى اعماقى

واتغلغل فى خواطى

واتعرف عليا معاكم

من غير ما اطول

حقولكم عشر حاجات عنى


يلا نبدا

ارجو من الحضور الصمت

استعداد

00:03

00:02

00:01

00:00


اولا : " بطاقة شخصية "

انا بنت اسكندرانية..


عمرى 23 سنة.. مهنتى للاسف مدرسة


لان عمرى ما كان حلمى اشتغل مدرسة


المهم انا دلوقت رافعة شعار


"ان لم تعمل ما تحب فحب ما تعمل"


....................................................................

ثانيا: "شخصيتى"

طيبة جدا.. بحب كل الناس برغم اللى بعانيه منهم.

عصبية اوى..وطبعا عصبيتى اثرت عليا بشكل سلبى

شخصية قيادية.. كانت ليا نشاطات قيادية مختلفة ايام الجامعة وكنت مبسوطة بالشخصية ده

بس دلوقت ومع زحمة الحياه قلت كتير وبتمنى من الله انى ارجع تانى لنشاطى.

محبوبة من كل اللى حولى
عنيدة جدا.. احب التحدى.. لا اقبل الفشل بسهولة

بجد وشيى حلو على كل اللى يعرفى

(ده طبعا عن لسانهم)

واللى كان اخرها النهار ده

يلا يارب يكون وشيى حلو عليا.

......................................................
ثالثا: "هوايـــاتــــــى"

اولها التامل فى الطبيعة

طبعا انتم عرفين الاسكندرانية بيموتوا فى حاجة اسمها البحر

وخاصة وقت الغروب

وانا بحب اوى اكون على البحر ساعة الغروب بجد منظر روعة

"سبحان الله"

بحب التصوير.. والرسم لكن بقالى كتير ما رسم


بحب اتعلم حاجات جديدة معرفهاش


بحب تربية اسماك الزينة

....................................................
رابعا: "العائلة"
اهم ناس فى حياتى

وبدعى ربنا يخليهم ليا
..................................................................

خامسا: "احب الاماكن الى"

اكترمكان بحبه منطقة السلسة فى الشاطبى وقت الغروب


دايما انا وصديقتى يذهب الى هذا المكان فى اوقات الفرح والحزن


بجد بلاقى فى المكان سحر عجيب برتاح فيه

فى مكان تانى لقيت نفسى فيه من فترة قصيرة

هو الدار اللى بدات احفظ فيه

اد ايه لقيت ناس بتحب بعض لمجرد الحب فى الله

بدون قناع او زيف
.................................................................

سادسا: "العمل"

كانت اول سنة شغل بحس انى رايحة اتفسح

وطبعا ده لانه كان شئ جديد عليا

اما فى السنة التانية بحمد ربنا انها خلصت...

اكيد دلوقت انتم حاسيين بيا
.....................................................................
سابعا: "الاصحاب"

بطبعى اجتماعية معرفش اعيش من غير اصحاب

لكن فى فرق بين الاصدقاء والاصحاب

فانا اصحابى كتير لكن لى صديقة واحدة

بتاثر بيهم وباثر فيهم

لكنى بحبهم اوى
...........................................................

ثامنا: "الذكرايات"


شئ اساسى فى حياتى


مقدرش اعيش من غيرها


لانى بعيش عليها


وخاصة ان كل مرحلة ليها ذكرياتها


طبعا من وقت لتانى اطلع البوم الصور وافتكر كل موقت لحظة بلحظة


وطبعا المواقف ماتت مفضلش منها غير ذكرى.
.............................................................
تاسعا: "النــــــدم"

كتير الانسان بيعمل حاجات ويندم عليا

بس الندم دة يكون على شئ غلط


بس انا ولله الحمد مندمتش على شئ


دايما كنت بحاول اتعلم من اخطائى واخطاء الاخرين


لان الانسان لا يعرف الصح الا لو خاض التجارب .

......................................................

عاشرا: "الامنيات"

  • بتمنى ان الناس كلها تحب بعض من القلب
    من غير مصالح اوى اغراض داخلية.
  • اتمنى من الله ان يوفقنى فى مسيرتى ويحبب فى خلقه.

  • اتمنى من الله ان ارجع لنشاطاتى المختلفة.

  • اتمنى ان اجد الزوج الصالح الذى يتقى الله فى
    ـــــــــــــــــــــــــــــــــــــــــــــــــــــــــــــــــــ

بهدى التاج لكل اللى دخلوا على مدونتى


اعرف نفســــــــــك



تتاثر ملامح اي شخصية بالعوامل محيطة مثل:
من خلال شكل العيون اعرف نفسك :
العيون
السوداء تدل علــــــى
:العصبية , سرعة التأثر , الغيرة الشديدة , المشاعر الرقيقة , العاطفة القوية , الحنان , غالبا ً ما يتحكم القلب في العقل
العيون الزرقاء تدل علــــــى:الجرأة , حب الذات , الغموض , عمق التفكير , شدة الحساسية , قوة التأثير , المزاج الفني , البرود
العيون الرمادية تدل علــــــى: الطباع العنيفة , القسوة العيون الخضراء .. قوة الإرادة , الخبث , برودة العاطفة , صلابة الرأي , العناد , حب العمل
العيون البنية تدل علــــــى: 
الرحمة , العطف , الخجل , الجاذبية , حب العمل , قوة الحجة
العيون العسلية تدل علــــــى: الهدوء , التأني , التفكير قبل العاطفة , حب الظهور , ضبط العواطف ,الكتمان
العيون الواسعةتدل علــــــى: ..العصبية , الإندفاع وراء العاطفة
العيون الضيقة تدل علــــــى:الذكاء , الحدة , الدقة , قوة الملاحظة و تحكيم العقل
العيون المستديرة تدل علــــــى: قلة التفكير , الفضول , كثرة الحركة , حب الناس
شخصيتك من نوعيه الأكل الذى تحبه :
إن كنت من محبي اللحوم فإنك تتمتع بطبع القادة ديناميكي تملك
حسن المبادرة اجتماعي صاحب شخصية قوية جدا وعملي جدا
إن كنت من محبي الخضار فإنك هادئ وتنظر أكثر مما تعمل تفكر
ولكنك متردد
إن كنت من محبي المعجنات والنشويات فإنه لا تستهويك المسئوليات
إن كنت من عشاق الخس فأنت سريع ، فعال ، صديق وصاحب قلب محب وكبير
إن كنت من محبي الحلوى فأنت متسلط وعصبي ومغامر
ان كنت من عشاق شرب القهوة فإنك تملك طبعا ومزعجا صعبا
إن كنت من محبي التفاح فإنك تملك حسا مرهفا ولكنك حذر
أما الفتيات اللواتي يحببن التفاح فإنهن زوجات موفقات ومتزنات وسعيدات
والفتيات من محبات الموز حيويات وحساسات وقادرات على التغلب على الصعاب
إن كنت من محبي الجزر فأنت عاطفي واجتماعي وطباعك طيبة وجيدة
وعلى العكس الفتيات فإنهن عصبيات وقد تفقد كل شيء في حالة غضب

عيد العمال



عيد العمال العالمي أو عيد الشغل يصادف الأول من شهر مايو من كل عام وهو يوم التضامن مع العمال وحقهم في الحياه الكريمه وضد اطهاد العمال على يد اصحاب رأس المال و يعود فضل تأسيس عيد العمال العالمي لمنظمة "فرسان العمل" التي كانت أول من طالب بتحديد ساعات العمل بثمان ساعات و في عام 1886م و على إثر اضراب من أجل تحديد ساعات العمل و أعتبر يوم الأول من أيار يوم العمال العالمي.

و يعتبر عيد العمال العالمي هو أهم عيد شيوعي, حيث يعتبر الشيوعيين أنفسهم المدافعين عن حقوق
العمال و شعارهم يا عمال العالم اتحدوا.

وفى مصر كان عيد العمال مختلف فقد استقبل الرئيس مبارك بمقر رئاسة الجمهورية فى 24 / 4 / 2008 كلا من السيدة عائشة عبد الهادي وزيرة القوى العاملة والهجرة ورئيس الاتحاد العام لنقابات عمال مصر حسين مجاور.
وصرحت وزيرة القوى العاملة والهجرة عائشة عبد الهادي عقب استقبال الرئيس مبارك لها بأن الرئيس مبارك سيعلن أخبارا سارة خلال احتفالات عيد العمال يوم / الأربعاء- 30 / 4 / 2008 يستفيد منها العمال وكافة أبناء الشعب .
ألقي الرئيس مبارك خطابا سياسيا شاملا في الاحتفال بعيد العمال فى 30/4/2008 تناول فيه كل المستجدات علي الساحتين الداخلية
والخارجية.
ومنح الرئيس مبارك الاوسمة والانواط للمكرمين من قدامى العمال ,حيث سلم أولا وسام العمل من الطبقة الأولى الى كل من : ناثان حبيب يعقوب ابراهيم "نقابة العاملين بالسكك الحديدية",واسم المرحوم محمد عبد الحليم رضوان جلومه"نقابة المرافق العامة ".. وتسلمته ارملته السيده خيرات محمود أحمد محمد ,واسم المرحوم عبد اللطيف محمد مصطفى السيد عيش "نقابة الصناعات الغذائية" تسلمه نجله خالد عبد اللطيف محمد , ونياظ محمد عبد العزيز حسن"نقابة الصناعات الهندسية" ,وعلى على مصطفى عطوة "نقابة العاملين بالنقل البرى .

وأكد أن العمال فى قلب التحديات ,وفى طليعة تحركنا لمواجهتها وتجاوزها, وقال "امامنا تحدى الحفاظ على معدلات مرتفعة ومتواصلة للنمو الاقتصادى ,والاستمرار فى الانفتاح على العالم والاستفادة من أسواقه وفرصه ومكاسبه ,والمهارات الجديدة التى يفرضها النمو ومتطلبات سوق العمل..اننا نجتاز مرحلة انتقال وتحول نحتاج جميعا للوعى بمعالمها واهدافها وماتطرحه من فرص ومكاسب وصعاب وتحديات,ونحتاج لروح جديدة تعى ابعاد هذه الرؤية وتوفر لها اسباب النجاح.

ونبه الى أن سوق العمل له متطلبات جديدة واحتياجات متزايدة للايدى العاملة المؤهلة وقال "أقبلوا على سوق العمل بتخصصاته واحتياجاته الجديدة والمطلوبة دون تردد أو خجل , وامضوا فى صنع مستقبلكم ومستقبل الوطن بعزم وثقة وفكر جديد.

أعلن الرئيس حسنى مبارك فى خطابه بمناسبة عيد العمال عن زيادة مرتبات كل العاملين فى الدولة بنسبة 30% وذلك اعتبارا من شهر مايو القادم، وهذه تعد أكبر علاوة اجتماعية تحدث فى تاريخ مصر، وذلك لمواجهة غلاء الأسعار وتحسين ظروف المعيشة لكل المصريين.
وأضاف الرئيس مبارك أنه تقرر تخصيص 20 مليار جنيه فى ميزانية العام القادم 2008ـ 2009 لدعم رغيف الخبز وأسعار السلع الأساسية.
ولكن بعد كل هذة التصريحات التى لم يشعر بها سوى العاملين بالهيئات الحكومية فما مصير من يعمل فى الاعمال الحرة من الحرفيين وغيرهم من ذوى الدخل المحدود؟.

الاطــــــــــــــلال



يا فؤادي، رحم الله الهوى كان صرحا من خيال فهوى

اسقني واشرب على أطلاله وارو عني، طالما الدمع روى

كيف ذاك الحب أمسى خبراً وحديثاً من أحاديث الجوى

وبساطاً من ندامى حلم هم تواروا أبداً، وهو انطوى

يا رياحاً، ليس يهدا عصفها نضب الزيت ومصباحي انطفا

وأنا أقتات من وهم عفا وأفي العمر لناس ما وفى

كم تقلبت على خنجره لا الهوى مال، ولا الجفن غفا

وإذا القلب - على غفرانه - كلما غار به النصل عفا

يا غراماً كان مني في دمي قدراً كالموت، أو في طعمه

ما قضينا ساعة في عرسه وقضينا العمر في مأتمه

ما انتزاعي دمعة من عينه واغتصابي بسمه من فمه

ليت شعري أين منه مهربي أين يمضي هارب من دمه ؟

لست أنساك وقد ناديتني بفم عذب المناداة رقيق

ويد تمتد نحوي، كيد من خلال الموج مدت لغريق

آه يا قبلة أقدامي، إذا شكت الأقدام أشواك الطريق

وبريقاً يظمأ الساري له أين في عينينك ذياك البريق ؟

لست أنساك، وقد أغريتني بالذرى الشم،فأدمنت الطموح

أنت روح في سمائي، وأنا لك أعلو، فكأني محض روح

يا لها من قمم كنا بها نتلاقى، وبسرينا نبوح

نستشف الغيب من أبراجها ونرى الناس ظلال في السفوح

لإبراهيم ناجي

طابور.......طابور....وانت وحظك.


طبعا انا بيوحشنى الطابور اوى..عشان كدة مصر مش عيزة تحرمنى من حاجة نفسى فيها.
عرفبن كنت امبارح فين؟؟؟؟؟؟
كنت فى القسم!!!!!!!
اه والله كنت فى القسم. بس كانت سليمة كنت بعمل فيش وتشبيه. اصل خير اللهم اجعله خير الادارة فائت وافتكرت اننا معملناش الفيش والتشبيه. فرحت اعمله وبعد طابور طويل اوى يعنى العدد كان بنتين وانا وزملتى واقفين ساعة ويمكن ازيد وكل ده عشان خاطرالعسكرى اللى بيبصمنا بطئ اوى واللى زاد وغطى اللى بيجيلة بواسطة


فزملتى قالتى تعالى نوفر على نقسنا ونظبط حد يخلصنا بس للاسف انا مليش فى المواضيع ده المهم دعيت ربنا بالفرج
وبعد ساعة جه الدور على زملتى وبعدها انا قلت الحمد لله حننجز
وبعد ما اخد ورق زملتى "اللى فوجئنا انه بقى منه عادى بعد 5 ايام ومستعجل بعد يومين وكله بسعره" حصل اللى مكنتش متوقعاه انه بنفسه بيطلب فلوس عشان عمل الورق بقى اجبارى على الورق
المهم جه الدور عليا وساعتها كانت الساعة 12 ظهرا وذى ما سندرلا قلعت جزمتها وجرت عمل هو كمان كدة وبعد محاولات كثيرة من كل اللى واقف فى الطابور وافق وقلنا محدش بمشى واستنوى ولكن كل واحد يجهز اللى فيه النصيب وكده هو كرمنا لانه عملنا فى ملفات اليوم اللى بعده
وطبعا مجبر اخاك لا بطل
متستعجبوس ياجماعة
هيا ده مصر ............ام الدنيا

يا رسول الله عذرا




يــا رســول الله عـــذرا**قالـت الدنـمـارك كـفـرا.. قـد اســاءو حـيـن زادو**في رصيد الكفـر فجـرا.. كـيـف للنـمـلـة تـرجــو**أن تطـال النـجـم قــدرا.. هل يعيب الطهـر قـذف**ممـن استرضـع خـمـرا.. دولـــة نصـفـهـا شـــاذ**ولـقـيـط جـــاء عــهــرا.. آه لـــو عـرفــوك حـقــا**لاستهامـو فيـك دهــرا
اعادت الدنيمارك نشر الرسوم المسيئة للرسول(ص) , وذللك تحت شعار حرية الراى........

وهذا شئ يستنكره كل مسلم غيور على دينة وعلى نبيه, فهذا تطاول مهين, ويجب على كل مسلم مؤمن بالله ورسوله ان يدافع عن نبيه ...........

اين نحن كمسلمين من الخطوات الايجابية تجاه الجاهلين لتعاليم الاسلام, اين نحن...؟

نحن فى غفلة ......نحن نلهو...ونلعب......وننشغل بامور دنيانا......فى الوقت الذى يهان فيه رسولنا الكريم على يد كفار جاهلين....

واكيد فى كتير ميعرفش ان الدنيمارك اعادت النشر للرسوم المسيئة للرسول...

وذى كل مرة الشعوب الاسلامية كلها استنكرة الافعال ده وعبروا عن غضبهم......لكن مصر الدولة الوحيدة اللى ملجمة شعبها وكل اللى عملته انها قبضت على بعض العناصر من الاجوان المسلمين.....

ولكن الاهم دلوقت ايه اللى نعمله حتى نكون ايجابيين ,واهم ردود الافعال:



  1. مقاطعة المنتجات الدنيماركية.


  2. التمسك بسنة رسول الله (ص).

ياريت نصحى من الغيبوبة ونقف وقفة ايجابية.........

وكلنا عارفين ان الشهر الجاى فيه المولد النبوى ولازم يكون السنه دى غير عادى..

حه دوركل واحد فينا يفكرة ازاى يكون ايجابى؟؟؟؟؟؟؟